Përmbysje e madhe e Fenerit ndaj Barçës

Dhjetë minuta para se të kryhej ndeshja, rezultati në semafor figuronte 52-61 në të mirë të Barcelonës mysafire në Stamboll ndaj Fenerbahçes.

Por në çerekun e fundit me paraqitje fantastike, lideri i Euroligës ka arritur që të përmbys epërsinë e katalonasve në formë dhe të shënojë fitore me 6 pikë dallim në fund, 88-82.

Kostas Sloukas ka qenë i jashtëzakonshëm gjatë ndeshjes, duke shënuar 22 pikë e 11 asistime për ekipin e Fenerit, derisa me 19 pikë atij i ndihmoi Ali Muhammed.

TABELA AKTUALE E EUROLEAGUE

Më efikasi te Barcelona ka qenë Jaka Blazic me 15 pikë të shënuara.

Pas kësaj fitoreje Fenerbahçe përforcon statusin e liderit me bilanc 22-4 pas 26 xhirove, ndërsa Barcelona ka bilanc 15-11 tash.