Polakët s’duan gabime

Reprezentacioni i Polonisë, që ka bilanc 1-1 nga dy ndeshjet e para të Grupit C kualifikues për Botërorin Kina 2019, nuk dëshiron të gabojë në ndeshjet e muajit shkurt.

Polonia sonte pret Kosovën në duelin që nis në ora 19:00, ndërsa tre ditë më vonë luan ndaj Hungarisë.

ORARI, NDESHJET DHE TABELA AKTUALE

Ndërsa, njëri ndër basketbollistët më të dalluar të ekipit të Polonisë, Mateusz Ponitka, para ndeshjes me Kosovën dhe Hungarinë ka thënë:

“Këto dy ndeshje janë shumë të rëndësishme për ne. Duhet të fitojmë ndaj Kosovës në shtëpi, s’ka dilema aty. Njejtë, duhet të veprojmë edhe në Hungari, ashtu që jo vetëm të sigurojmë kualifikimin që tash, por edhe të bëjmë diçka më shumë në pjesën e dytë të kualifikimeve.”

Polonia, pas Lituanisë, llogaritet si ekipi i dytë më i fortë në Grupin C ku bën pjesë edhe Kosova. Dueli Poloni - Kosovë zhvillohet sonte me fillim prej orës 19:00, ndërsa transmetimi bëhet në Supersport.