Presin gola nga Talla

Armend Talla është një futbollist që shënon shumë për moshën e tij, andaj pritjet nga ai janë të mëdha. Talenti 18 vjeçar i 2 Korrikut aktualisht ka ndihmuar skuadrën e tij që të arrijë në vendin e dytë në tabelë, me pikë të njejta sikurse që ka edhe Vëllaznimi i Gjakovës. 

Ai llogaritet të jetë njëri ndër sulmuesit kryesor të Superligës juniore të Kosovës, pasi që ka shënuar 7 herë në 13 paraqitje. 

Ndërkaq, ai duke folur për Borozani.com ka thënë se në edicionin pranveror do të jetë edhe më i ‘nxehtë’, duke paralajmëruar se nuk do ta lëshojnë titullin nga duart. 

Ai në një turne ku morri pjesë ekipi i tij që u mbajt në Shqipëri ka shënuar nëntë herë në pesë ndeshje, falë të cilave u ftua edhe në ekipin e parë. 

Ndërsa duke pasur parasysh se ka pasur kundërshtarë nga ekipet si Bashkimi i Kumanovës, pastaj Drita, Ramiz Sadiku, talenti i Tallës pritet të zhvillohet edhe më. 

Në fund ai u ka falenderuar të gjithë bashkëlojtarëve dhe trajnerëve të skuadrës që po e përkrahin dhe po punojnë me të, drejt krijimit të një sulmuesi me nam. Tashmë të gjithë futbolldashësit presin të shohin golat e tij në pranverë.