Prishtina e nis sezonin si në stërvitje

Skuadra e Prishtinës ka kaluar shumë lehtë kundërshtarin e parë të sezonit të ri në Superligë, Dritën.

Në cilësi të mysafirit në Pallatin e Rinisë, Prishtina pas startit të furishëm që e bëri në çerek të parë të ndeshjes 8-35 ka vazhduar me ndërrime të shumta dhe mundësi për secilin në ekip, për të fituar ndeshjen lehtë, duke e shtuar epërsinë në secilin dhjetë minutësh të ndeshjes, për përfundimtaren 56-124 [8-35, 20-28, 12-29 dhe 16-32].

Don Polloshka ishte më efikasi te Prishtina në hapje të stinorit me 27 pikë të shënuara, prej të cilave gjashtë treshe nga nëntë tentime.

TABELA AKTUALE

Lejson Zeqiri gjithashtu arriti shifrën e 20 pikëve, duke regjistruar edhe 4 asistime, kurse Wendell Mitchell kreu lojën me 9 pikë të shënuara, pa asnjë treshe të qëlluar nga katër tentime dhe dhjetë asistime.

Te Drita më i dalluar ka qenë Arian Memeti, që ka shënuar 19 pikë.