KB PRISHTINA
Prishtina emëron drejtorin e ri sportiv të klubit
26 February, 2021 @11:23
Klubi basketbollistik Prishtina ka bërë të ditur se ka emëruar Fidan Hamitin drejtor sportiv të klubit.
Përmes një njoftimi në Facebook, bardhekaltërit që fituan së fundi Kupën e Kosovës kanë bërë të ditur se Bordi i klubit ka vendosur që Hamiti, një ish-basketbollist dhe menaxher në institucione të ndryshme të përkujdeset për mbarëvajtjen e punës së ekipit në pjesën sportive.
Kujtojmë, Sigal Prishtina ka pasur start më të dobët ndonjëherë të stinorit këtë kampionat. Ekipi është në vend të parafundit në klasifikim dhe ka bilans 6-14.
Së fundi, ata u ndanë edhe me trajnerin e emëruar në muajin e kaluar, Dragan Radovic, që dha dorëheqje pas humbjes nga Vëllaznimi, që është i fundit në renditje.
