Prishtina ia shkakton humbjen e parë Bashkimit

Skuadra e Bashkimit tanimë nuk është e pamposhtur. Ajo e pësoi sot humbjen e parë pas gjashtë fitoreve rresht në Superligë, duke u mposhtur në kryeqytet nga kampionja në fuqi, Sigal Prishtina.

Epërsia ishte kryesisht në të mirë të Prishtinës gjatë ndeshjes, ndërsa në gjysmën e çerekut të dytë ajo arriti deri në 17 pikë, ku me shënimin e Edmond Azemit rezultati u bë 39-22.

Më pas pasoi një seri e mirë e Bashkimit, e cila e ngushtoi disavantazhin dhe ekipi prizrenas shkoi në pushim me vetëm -5 pikë.

Rezultati i ngushtë vazhdoi edhe gjatë çerekut të tretë, kurse në të katërtin Prishtina u shkëput për herë të dytë në rezultat, për ta pritur fundin e ndeshjes e qetë.

Më i dalluari në fitoren e Sigal Prishtinës ishte Bojan Trajkovski, i cili luajti me double-double prej 31 pikëve e 11 kërcimeve, ndërsa atë e shoqëroi Malcolm Rhett, gjithashtu me double-double, prej 22 pikëve e 14 kërcimeve.

Në anën tjetër, për Bashkimin më së shumti u djerësit Kejuan Johnson, që shënoi 28 pikë dhe kishte edhe 6 kërcime e 7 asistime.

TABELA AKTUALE

Kjo është fitorja e pestë e Sigal Prishtinës në Superligë, karshi dy humbjeve, ndërsa Bashkimi, i cili e pësoi humbjen e parë, e humbi edhe pozitën e parë në tabelë, duke ia dorëzuar atë skuadrës së Trepçës, që gjendet në krye të tabelës falë ndeshjeve më shumë të zhvilluara.

SIGAL PRISHTINA

BASHKIMI