PRIZRENI - BASHKIMI
FOTO / FBK
Prizreni fiton derbin lokal, përkohësisht ngritet në krye
13 October, 2021 @21:50
Derbi lokal i Prizrenit i takoi skuadrës së Prizrenit 16, duke e mposhtur Bashkimin me rezultat 71-65.
Rezultati në çerekun e parë ishte i ngushtë (19-18) në favor të Prizreni, kurse djelmoshat e trajnerit Arbnor Rifati, pjesën e parë e mbyllën me 8 pikë epërsi (36-28).
Bashkimi në çerekun e tretë e ngushtoi epërsinë në 2 pikë (53-51). Në çerekun e fundit, rezultati ishte i barabartë kah fundi i ndeshjes, por me shënimit e Ivan Koljevic dhe Courtney Fells, u bë dallimi dhe kështu derbi lokal i takoi Prizrenit.
Koljevic e Fells ishin të vetmit me pikë dyshifrore te Prizreni. Ivan Koljevic luajti me 24 pikë, 6 kërcime e 3 asistime, kurse Courtney Fells me 20 pikë, 8 kërcime e 4 topa të rrëmbyer.
Te Bashkimi u dalluan Julien Lewis me 20 pikë, Anton Kazarnovski me 12 pikë dhe Avi Tooner me 11 pikë.
Prizreni me një ndeshje më shumë e me 4 fitore e 2 humbje gjendet përkohësisht në krye të tabelës, kurse Bashkimi ka bilanc prej 3 fitoreve e 3 humbjeve dhe gjendet në pozitën e pestë.
Në xhiron e shtatë Prizreni takohet me Prishtinën, derisa Bashkimi me Dritën.
