PRIZRENI
Prizreni në Vit të Ri me përforcim të ri
31 December, 2019 @19:01
Para pak çastesh, skuadra e Prizrenit e zyrtarizoi përforcimin më të ri të skuadrës.
Andre Wolford do të jetë pjesë e skuadrës prizrenase për pjesën e mbetur të sezonit, derisa Prizreni do ta ketë mundësinë për ta vazhduar kontratën e lojtarit edhe për një stinor.
Wolford luan në pozitën e fundorit dhe do të jetë zëvendësimi i të larguarit Elliott Cole. Andre Wolford së fundi ishte pjesë e skuadrës St. Francis.
Prizreni gjithashtu ka bërë të ditur se shumë shpejt do ta zyrtarizojë edhe një të huaj, derisa në skuadër do të shtohet edhe një lojtar vendor me përvojë evropiane.
Prizreni aktualisht ka bilanc prej 9 fitoreve e 7 humbje dhe gjendet në pozitën e pestë në Superligë.