Ramiz Sadiku nis përgatitjet me trajnerin e ri

Skuadra e Ramiz Sadikut që garon në Ligën e Parë — Grupi B, ka bërë të ditur sot se prej të hënës që vjen do të nis përgatitjet për stinorin e radhës në Ligë të Parë 2023/24.

Ata javë më parë kanë arritur marrëveshje që tash e tuje ekipin ta drejtojë trajneri Alban Dragusha, që në stinorin e kaluar punoi te Vushtrria.

Dragusha, që do të punojë me të ekipin e Ramiz Sadikut do të ketë për bashkëpunëtorët Triumf Sinani, Fillim Guraziu dhe trajnerin e portierëve Valon Babatinca.

“E hënë, më datë 03.07.2023 fillojnë stërvitjet e ekipës së parë për përgatitjen për Kampionatin 2023/24 të Ligës së parë të Kosovës, nën drejtimin e trajnerit Alban Dragusha me bashkëpuntorët: Triumf Sinani, Fillim Guraziu dhe trajnerit të portierëve Valon Babatinca!” — ka shkruar KF Ramiz Sadiku në njoftim.◼️