Real Madrid shpëton në fund nga Efesi

Skudra e Real Madridit, ka arritur të rikthehet në fund të ndeshjes për ta fituar atë, ndaj Anadolu Efesit 90-85. 

Edhe pse Reali e nisi mirë ndeshjen duke e përfunduar çerekun e parë në epëri 6 pikëshe, 22-16, Efesi ka arritur të rikthehet me lojën e Nenad Krsticit, që ishte lojtari më efikas në ndeshje. 

Efesi 3 minuta para fundit të ndeshjes ishte në epërsi 7 pikëshe ndaj madrilenëve, por vendasit kanë arritur të këndellen krejt në fund për të fituar ndeshjen, kur Sergio Rodriguez morri përgjegjësinë mbi supe të tij për të vulosur fatin e takimit. 

Loja në përgjithësi ka qenë për gurmanë të basketbollit, ku ka pasur luftë për çdo top, taktika interesante nga ekipet, derisa epërsia ndërronte thuajse çdo dy-tre minuta. 

Real Madrid tash ka kapur epërsinë 2-0 në seri të Play-Offit dhe i duhet edhe një fitore për të arritur Final Fourin 2015, që do ta organizojë vetë.