DREJTËSIA NDAHET NGA TË HUAJT
BOROZANI/Arkiv/E.D.
Referë të huaj në serinë finale
8 May, 2017 @18:27
Finalja e Play-Offit të Superligës së Kosovës në basketboll në mes Sigal Prishtinës dhe Bashkimit do të drejtohet nga referë të huaj.
Njoftimin e ka bërë të ditur sot Koha ditore, ndërsa këtë e ka kërkuar klubi i Bashkimit dhe e ka pranuar FBK-ja, por edhe kundërshtari i finales, Sigal Prishtina.
Kryetari i FBK-së, Erolld Belegu, për gazetën në fjalë ka bërë të ditur se Federata është në kontakt me referë nga IRJ Maqedonia dhe Turqia, që pritet të gjykojnë finalet e Superligës.
Së paku një refer i huaj do të jetë në një ndeshje të serisë finale.
Seria finale pritet të nis të shtunën në Prishtinë, ndërsa bardhekaltërit kampionë aktual, kanë përparësinë e terrenit vendas në ecurinë e ndeshjeve vajtje-ardhje.
Ekipi që arrin 3 fitore së pari, do të shpallet kampion i Kosovës për stinorin 2016/17.
