PËRFAQËSUESJA
Reprezentacioni U-16 i Kosovës, drejt San Antonios
15 April, 2015 @18:28
Bordi i Federatës së Basketbollit të Kosovës në mbledhjen e djeshme ka marrë vendim që reprezentacioni i të rinjëve të Kosovës U-16, që do të merr pjesë në Kampionatin Europian për këto grupmosha të merr pjesë në kampin përgatitor të San Antonios në SHBA.
Vendimi erdhi si arsye e përgatitjes sa më të mirë të reprezentacionit U-16 para Europianit në Divizionin C, ku Kosova do të merr pjesë për herë të parë.
Amerikani Chris Dial, edhe zyrtarisht është emëruar selektor i këtyre grupmoshave në këtë mbledhje, derisa do të emërojë shtabin teknik në ndërkohë.
