MBROJTËSI
Rikthehet Mavraj!
29 August, 2015 @10:21
Njëri ndër mbrojtësit më të mirë që ka pasur kombëtarja ndonjëherë, Mërgim Mavraj, i është rikthyer stërvitjeve pas operimit që e la atë jashtë fushave për më se dy muaj.
Njoftimin e ka dhënë vetë 29 vjeçari, i cili ka postuar edhe një fotografi në rrjetin social Facebook nga seanca stërvitore e lehtë, me ekipin e tij nga Bundesliga, Koln.
Mavraj, nuk do të paraqitet në përballje me Danimarkën dhe Portugalinë për kuqezinjtë, ndërsa pritet të jetë i gatshëm për ndeshjet e fundit të kombëtares në Grupin I kualifikues për EURO 2016, ndaj Serbisë dhe Armenisë.
