Salzburgu arrin në Tiranë

Para përballjes së nesërme të vlefshme për kualifikim në Ligë të Kampionëve, ekipi austriak Salzburg ka arritur sot në Tiranë.

Partizani pret Salzburgun nesër mbrëma, ndërsa si duket gjëja e vetme që i tremb austriakët para ndeshjes ndaj tiranasve janë temeperaturat tropikale që po mbretërojnë në Shqipëri këto ditë, shkruajnë mediat shqiptare sot.

Partizani eliminoi Ferencvarosin hungarez në raundin e dytë kualifikues të Ligës së Kampionëve dhe tash e pret sfida e radhës.

Në anën tjetër, Salzburgu nuk është në formën më të mirë, pasi që ka pasur mjaft kritika pas disfatës në xhiron hapëse të kampionatit austriak, ku u mposht nga Sturmi 3-1.

Për Salzburgun luan shqiptari që përfaqëson Norvegjinë, Valon Berisha.