STREETBALL 2016
Foto: Streetball Kosova
Shmekat fitojnë në Prizren
17 July, 2016 @17:42
Në ditën e dytë të Streetball Kosovës 2016, në turneun e organizuar në Prizren, fitues në kategorinë e profesionistëve ka dalë ekipi i Shmekave, që ka shënuar fitore në finalen e madhe ndaj ekipit The Answer me rezultat të ngushtë 21-19.
Shmekat përbëheshin nga katërshja: Ujkan Karanezi, Altin Morina, Arianit Çollaku dhe Qëndrim Biraj, të cilët me fitore në finalen e Prizrenit, siguruan biletën për superfinale.
Ka qenë kapiteni i Bashkimit të Prizrenit, Qëndrim Biraj që shënoi pikët vendimtare në këtë takim, pas rezultatit 19-19 për të çuar ekipin e tij në finalen e madhe, raporton Borozani.com.
The Answer përbëhej nga Erjon Llazani, Kreshnik Juniku, Besar Hamiti dhe Agim Hamiti.
Në kategorinë amatore, fitues doli ekipi Gold Gym.
