LIS SHOSHI
Shoshi: T’i bëjmë ballë rivalit
23 November, 2017 @9:30
Qendra e reprezentacionit të Kosovës, Lis Shoshi, që mbron ngjyrat e Sigal Prishtinës në Superligë të Kosovës, në konferencën e djeshme për shtyp ka thënë se ekipi pret t’i bëj ballë Lituanisë, që është favorit i grupit kualifikues.
Kosova luan si vendase në duelin e parë të kualifikimeve për Kupën e Botës Kina 2019 në Prishtinë, ndërsa Lituania llogaritet të jetë favorit i grupit.
Shiko: GRUPET KUALIFIKUESE DHE ORARIN
“Nuk do të jetë aspak lehtë të përballemi me një superfuqi të basketbollit siç është Lituania, por ne shpresojmë se me ndihmën e shikuesve do t’ia dalim t’u bëjmë ballë lituanëve. Jemi në formë të mirë, të gjithë basketbollistët kemi luajtur shumë ndeshje me ekipet tona, ndërsa tashmë e njohim mirë njëri-tjetrin dhe e tëra që na mbetet është të luajmë sa më mirë dhe t’i kënaqim të gjithë adhuruesit e basketbollit,” ka thënë Shoshi.
Ballafaqimi ndërmjet Kosovës dhe Lituanisë do të zhvillohet më 24 nëntor me fillim nga ora 19:00 në Pallatin e Rinisë dhe Sporteve në Prishtinë dhe i takon Grupit C të kualifikimeve evropiane për Kupën e Botës “Kina 2019”.
