SHAWN JONES
Dy mungesa te Kosova para ndeshjeve kualifikuese
23 November, 2017 @8:45
Përveç Erjon Kastratit, që konfirmoi lëndimin të hënën dhe nuk do të mund t’i ndihmojë reprezentacionit të Kosovës në ndeshjet kualifikuese për Botëror ndaj Lituanisë dhe Hungarisë, FBK ka bërë të ditur se pjesë e ekipit nuk do të jetë as amerikani i natyralizuar Shawn Jones.
Jones që është pjesë e Dinamo Sassarit në Serie A të Italisë, për shkak të lëndimit, nuk do të mund t’i ndihmojë Kosovës në këto përballje që zhvillohen gjatë muajit nëntor dhe janë të parat në kualifikime për Kupën e Botës Kina 2019.
Dueli Kosova - Lituania do të luhet më 24 nëntor me fillim në ora 19:00 në Pallatin e Rinisë dhe të Sporteve në Prishtinë dhe i takon Grupit C të kualifikimeve europiane për Kina 2019.