Shqipëria-Franca 1-0 (Live)

FT - Përfundon ndeshja. Shqipëria shënon fitore me rezultat 1-0 me golin e Ergys Kaçes.

FT - FITOOOOREEEE.

90’+3 - Krosim i rrezikshëm nga françezët. Berisha përsëri intervenon në mënyrë perfekte.

90’ - Gjyqtari i katërt tregon për katër minuta lojë shtesë.

89’ - Rrezik para portës së Berishës. Pogba gjuan me kokë brenda zonës pas krosimit të Valbuenas, por Berisha përsëri qëndron në vend të duhur.

88’ - Zëvendësim te Shqipëri. Debuton Arbnor Fejzullahu. Largohet Sokol Cikalleshi.

86’ - Shpeshtohen sulmet e françezëve të cilët kërkojnë golin e barazim, por kuqezinjtë mbeten të përqëndruar në mbrojtje.

84’ - Edhe një rast i volitshëm për Francën nga gjuajtja e lirë, por gjuajtja e Pogbas përfundon lartë portës së kuqezinjëve.

80’ - Ndërim te Shqipëria. Largohet golashënuesi i kuqezinjëve Erygs Kaçe. Inkuadrohet Bekim Balaj. Shqipëria me tre sulmues në fushë.

79’ - Përsiri gjuajtje e lirë për Valbuenan nga një pozitë e rrezikshme. Goditja e tij kësaj radhe përfundon lartë mbi portën e Berishës. 

75’ - Goditje e lirë. Valbuena gjuan mjeshtërisht në drejtim të portës. Reagim perfekt nga Berisha.

74’ - Paul Pogba depërton në drejtim të zonës së rrezikshme, derisa Lorik Cana e ndërpren akcionin duke luajtur me dorë. KARTON I VERDHË për Canën.

70’ - Ndërimi i radhës te kuqezinjtë. Inkuadrohet Sabien Lilaj për ta zëvendësuar Migjen Bashën, derisa te Franca inkuadrohet Bakary Sagna në vend të Jallet.

67’ - Armando Sadiku në rast të volitshëm për të shënuar. Gjuan brenda zonës së reptësisë, por topi devijohet nga mbrojtja françeze për të përfunduar në korner.

64’ - Zëvendësim te Shqipëria. Largohet Odise Roshi, inkuadrohet Armando Sadiku.

60’ - Rama brenda zonës në pozicion të rrezikshëm. Goditja e tij përfundon jashtë portës.

59’ - Përsëri dy zëvendësime te Franca. Largohen Griezmann dhe Gonalons, inkuadrohen Valbuena dhe Ntep. 

56’ - Zëvendësim te Shipëria. Ermir Lenjani largohet për t’ia lënë vendin Valdet Ramës.

53’ - Lenjani me një lëvizje të bukur gjen hapësirë për të goditur, mirëpo topi përfundon larg portës.

51’ - Krosim i rrezikshëm brenda zonës nga e djathta, para Cikalleshit ndërhyn portieri Lloris.

50’ - Depërtim i bukur nga e djathtja e Odise Roshit. Përfitohet korner për kuqezinjtë.

46’ - Deschamps e fillon pjesën e dytë me dy ndryshime. Paul Pogba zëvendëson mesfushorin Dimitri Payet, derisa Nabil Fekir zëvendëson sulmuesin Olivier Giroud.

46’ - Fillon pjesa e dytë.

______________________________________________________________

45’ -  PËRFUNDON PJESA E PARË. Kuqezinjtë shkojnë në pushim me rezultat të favorshëm.

45’ - KARTON I VERDHË. Ndëshkohet Sokol Cikalleshi.

43’ - Ergys Kaçe shënon nga godita e lirë. Gjuajtja perfekte e tij nga një largësi rreth 19 metra, e befason portierin Lloris. 

43’ - GOOOOOL. 

30’ - KARTON I VERDHË. Ndëshkohet Ergys Kaçe pas ndërhyrjes së palejuar.

29’ - Rrezik i madh para portës françeze. Super pasim nga Memushaj e lë Lenjanin ballë për ballë me portierin Lloris. Ky i fundit përsëri del fitimtar ndaj kuqezinjëve, duke e ndalur goditjen e fortë përtoke të Lenjanit.

26’ - Rasti i parë i rrezikshëm për Shqipërinë. Odise Roshi depërton nga krahu i djathtë, gjuan fortë në drejtim të portës, por portieri Hugo Lloris tregohet i pakalueshëm.

20’ - Kalojnë 20 minuta lojë, pa ndonjë rast serioz.

17’ - Ndërim i parë në taborin kuqezi. Lëndimi i Andi Lilës e detyron Gianni De Biasin ta zëvendësojë me Ledian Memushajn.

10’ - Goditje e fortë nga Lacazette, përfundon jashtë portës së Berishës.

​5’ - Kalojnë pesë minutat e para të ndeshjes. Të dyja palët tregohen me lojë të kujdesshme. 

1’ - Fillon ndeshja me prekjen e parë të topit nga Ergys Kaçe.

______________________________________________________________

17:55 - Skuadrat kanë dalur në fushë për t’u prezentuar. Për momentin po intonohen himnet kombëtare.

17:52 - Treshja e gjyqtarëve Halis Özkahya, Cem Satman dhe Ekrem Kan bëjnë kontrollimet e fundit në stadium para se të japin leje për fillimin e ndeshjes.

17:40 - Mot i nxehtë në qytetin e Elbasanit. Termometrat tregojnë temperaturën rreth 30°C. E as ky fakt nuk po i pengon mijëra tifozë kuqezi që t’i mbushin tribunat e stadiumit Elbasan Arena.

17:10 - Futbollistët kanë filluar t’i bëjnë nxemjet para ndeshjes.

17:00 - Shqipëria del me formacionin 4-3-2-1, derisa Deschamps preferon formacionin 4-2-3-1.

FORMACIONET ZYRTARE