PORTUGALIA - SHQIPËRIA
Shqipëria mposhtet në fund!
20 February, 2020 @21:25
Përkundër paraqitjes së mirë në pjesën më të madhe të ndeshjes, Shqipëria është mposhtur në minutën e fundit nga Portugalia me rezultat 70-62.
Kuqezinjtë kanë pasur aksionin e tyre 33 sekonda para fundit të ndeshjes pranë rezultatit 64-62 në të mirë të portugezëve, por të dyja tentimet nga aksioni, nuk kanë hyrë në kosh dhe në sulmin e radhës Portgualia me pikë nga gjuajtjet e lira dhe topi i rrëmbyer, fitoi 70-62.
Claudio Fonseca ka qenë më efikasi te Portugalia me 16 pikë të shënuara, ndërsa 12 të tjera ka shënuar Diogo Ventura.
Te kuqezinjtë e drejtuar nga Afrim Bilalli, Celis Tafilaj dha 18 pikë e 5 kërcime, Gerti Shima kontribuoi me 12 pikë e 8 kërcime, ndërsa Endrit Hysenagolli përfundoi duelin me 10 pikë e 5 kërcime.
Në duelin tjetër të Grupit A parakualifikues për Botërorin 2023 të zonës evropiane, Bellorusia mposhti thellë Qipron si mysafir 41-97.
TABELA AKTUALE:
1. Bellorusia 1-0
2. Portugalia 1-0
3. Shqipëria 0-1
4. Qipro 0-1.
Pas tre ditësh, Shqipëria pret Qipron.
