SI KAMPION
Skënderbeu kthehet në Superiore!
18 May, 2023 @21:24
Ish-kampioni që pas dënimit nga UEFA mori teposhtëzen, Skënderbeu i Korçës, ka arritur të rikthehet në Kategorinë Superiore të Shqipërisë, duke u bërë kampion i Kategorisë së Parë të Shqipërisë.
Ujqit kanë barazuar sot me Lushnjën 0-0, ndërsa ndjekësi i parë i tyre Dinamo Tirana ka përfunduar në vend të dytë pasi që u mposht nga Luzi 2008. Me këtë Skënderbeu pas 26 ndeshjeve ka tubuar 49 pikë, 2 më shumë sesa tiranasit për të siguruar elitën e futbollit shqiptar.
Skënderbeu i është kthyer Abissnet Superiores pas një stinori të kaluar në Kategorinë e Parë.
