Sobowale shpëton Malishevën dhe ia mohon Dritës titullin!

Sulmuesi anglez i Malishevës, Ronald Sobowale, ka shënuar një gol dhe të vetmin e takimit në duel ndaj Dritës sot si mysafir, ndërsa me atë gol të sulmuesit ekipi i Malishevës që drejtohet nga Bylbyl Sokoli ka shpëtuar prej rënies nga Superliga, pa pasur nevojë për ndeshje barazhi.

Drita 0-1 Malisheva [Ronald Sobowale 58]. Gjilanasit kërkonin fitore me patjetër sot ashtu që të mbesin në garë për titull deri në xhiron e fundit të stinorit, por assesi nuk arritën të shënonin dhe me këtë ata mbyllin stinorin në pozitë të dytë të renditjes tabelare, si nënkampion i Kosovës. Akis Vavalis, trajneri grek që erdhi për të këndellë Dritën në xhirot e fundit pas largimit Arsim Thaçit shpreson që verës të përmirësoj edhe më shumë ekipin e tij, duke menduar për stinorin tjetër.

TABELA AKTUALE

Në anën tjetër malishevasit festuan edhe stinorin e dytë me radhë në Superligë, duke mbijetuar suksesshëm, edhe pse jo fort besohej në fillim të stinorit se ekipi në fjalë do të sigurojë edhe stinorin e tretë radhazi në elitë.

Një xhiro para fundit të stinorit, pra në xhiron XXXV Drita përfundon e dyta në renditje me 67 pikë, ndërsa Malisheva e gjashta me 43 pikë.