Spurs shkel Bobcatsin

Trajneri i San Antonio Spurs, Greg Popovich, u kthye gati një muaj pas sëmundjes, mirëpo ekipi i tij nuk ka prishur serinë e fitoreve përkundër mungesës edhe të lojtarit më të mirë të tyre, Tim Duncan. 

Tony Parker mbushi zbrazëtirat sot duke shënuar 22 pikë dhe regjistruar 7 asistime, ndërsa Kawhi Leonard shtoi 18 pikë të tjera në fitoren e radhës të San Antonios. 

San Antonio fitoren e nëntë me radhë e shënoi me reuzultat 102-78, duke lënë ekipin e Charlotte Bobcats pa shpresa qysh në pjesën e dytë të ndeshjes. 

Spurs tash kanë bilanc prej 37 fitoreve dhe 11 humbjeve, derisa në parketin e tyre kanë bilanc mahnitës prej 21 fitoresh dhe vetëm 2 humbjesh.