RAPTORS - MAVERICKS
FOTO/ nba.com
Starti më i mirë në histori të klubit
27 October, 2018 @12:03
Skuadra kanadeze, Toronto Raptors, duke e mposhtur Dallas Mavericksin me rezultat 116-107, e regjistroi fitoren e gjashtë rresht.
Ky start i Raptorsave është më i miri në histori të klubit.
Toronto gjatë gjithë ndeshjes ishte në epërsi, derisa ylli Kawhi Leonard, ishte përsëri më i dalluari në skudër. Ai luajti me 21 pikë, 9 kërcime, 5 asistime, 3 topa të vjedhur dhe me një bllokadë.
Te Dallasi, talenti slloven, Luka Doncic, ishte më i veçuari me 22 pikë.
Toronto Raptors gjendet në krye të Konferencës Lindore me 6 fitore dhe asnjë humbje, ndërsa Dallasi ka bilanc prej 2-3.
