Super Parker maestral për 1-0

Kampioni aktual i NBA-së, Miami Heat, udhëhiqte 72-69 në fund të çerekut të tretë. Mirëpo, në çerekun e fundit ata u mposhtën 23-16, ku françezi Tony Parker vulosi fitoren me një shënim derisa alarmi për përfundimin e kohës së shutit, bënte zhurmë ende. 

Kështu San Antonio Spurs, me ish kampionët në ekip, ka arritur që në ndeshjen e parë të shkrijë avantazhin e palestrës vendase dhe kalojë në epërsi 1-0. 

“Kishim fat. Dukej se ai u rrënua pas dy-tre tentimeve të para. Mirëpo ai e morri kontrollin e lojës përsëri, i doli përpara dhe luftoi. Ka qenë përpjekje maestrale nga Tony,” ka thënë trajneri i San Antonios, Gregg Popovich, pas fitores 92-88. 

Françezi Parker ka shënuar më së shumti pikë në ndeshje, 21, të cilave i ka shtuar edhe gjashtë asistime, derisa MVP-ja i ligës, LeBron James, ka përfunduar ndeshjen me pikë më të ulëta në tërë Play-Offin e sivjetshëm - 18 pikë. 

Finalja

Video

Përmbledhja e ndeshjes Miami - San Antonio