IZRAELI-SHQIPËRIA
Foto: FSHF
Super Shqipëri, kthen vendin e tretë me fitore në Izrael
11 June, 2017 @22:43
Kuqezinjtë janë rikthyer. Paraqitje e mrekullueshme nga djelmoshat e Gianni De Biasit në Haifa, për një fitore të madhe 0-3, që përkujtoi fitoren e kualifikimit ndaj Armenisë për EURO 2016.
Armando Sadiku perfekt në maje të sulmit, me golat e tij i dha Shqipërisë fitoren që në pjesë të parë, ndërsa akcionet e ndërtuara dhe loja e kuqezinjëve ka qenë për çdo lavdatë, kur kihet parasysh paraqitja e tyre ndaj Luksemburgut në miqësore.
Shiko: TABELAT DREJT RUSIA 2018
Gjithsesi, kuqezinjtë shënuan edhe njëherë në pjesë të dytë përmes Ledian Memushajt, ndërsa patën raste edhe për më tepër, por 0-3 mjaftoi për të kthyer vendin e tretë, së paku me golaverazh.
