ALEX ISAK
Alexander Isak, lojtar i ri i Borussia Dortmundit/ Foto: BVB official
Talenti premtues në Dortmund
23 January, 2017 @12:12
Njëri ndër talentët më të kërkuar të futbollit këto ditë, 17 vjeçari Alexander Isak, që luan për të rinjtë e Suedisë, është bërë lojtar i ri i Borussia Dortmundit.
Borussia Dortmund ka bërë të ditur me krenari se ka arritur të bind lojtarin që të jetë pjesë e ekipit verdhezi, përkundër ofertave të shumta që kishte nga ekipet tjera të mëdha, në mesin e të cilëve edhe Real Madridi shkruajnë mediat e huaja.
Isak është sulmues dhe ka debutuar me 16 vjet për nënkampionin e Suedisë, AIK Solna. Ai ka marrë ftesë edhe nga reprezentacioni senior i shtetit skandinav.
