Të dyshimtit larg kombëtares

 Derisa kombëtarja po qëndron në rezortin Tropikal në Durrës, kapiteni i saj, Lorik Cana ka gjetur kohë të bisedojë me mediat shqiptare në lidhje me ndeshjen me Gjeorgjinë e më tepër. 

“Duhet të fokusohemi te detyrat që na ka dhënë trajneri. Duhet të tregojmë veten pasi që në grup kemi një ndeshje shumë të vështirë ndaj Norvegjisë, pas kësaj,” ka thënë Cana, i cili e dinte shumë mirë rëndësinë e ndeshjes me Norvegjinë, 45 ditë më pas. 

Ndërsa sa i përket refuzimeve që i janë bërë nga disa lojtarë së fundmi kombëtares ai ka shtuar: 

“Unë mendoj se nëse një lojtar do të vijë në kombëtare duhet të ndiejë këtë fanellë dhe jo ta përdorë si urë për karrierën e tij personale. Çdo futbollist që e dëshiron kombëtaren është i mirëpritur, ndërsa të dyshimtit të mos vijnë fare më mirë,” ka thënë Cana mes tjerash. 

Shqipëria luan sonte miqësoren ndaj Gjeorgjisë.