Theo mes Milanos e Madridit

Në një intervistë për AS Theo Hernandez foli gjithçka lidhur me Milanin, disa ish-bashkëlojtarë të tij dhe një rikthim të mundshëm në Bernabeu.

“Jam shumë i lumtur këtu. Që nga momenti i parë kur mbërrita, si ekipi, tifozët dhe i gjithë klubi më pritën shumë mirë. Dhe kur është kështu, kur je aq mirë në një ekip, thjesht nuk dëshiron të largohesh. Dua të jem këtu shumë më gjatë”.

Mbrojtësi tregoi se kush ishte referenca e tij në futboll. “Maldini gjithmonë më ka pëlqyer shumë, edhe pse duke u rritur i kushtova vëmendje shumë Marcelos për shkak të mënyrës së tij të sulmit. Kjo është arsyeja pse loja me të ishte kaq e mahnitshme për mua”.

Në 72 ndeshje me Rosonerët, ai shënoi 12 gola, dhuroi 11 asistime dhe është përmirësuar në fazën mbrojtëse.

“Jam përmirësuar shumë, po, por ajo që ka bërë të mundur ishte të kesh besim te Pioli. Pa atë, është e pamundur të tregosh nëse vlen diçka dhe ke talent. Dhe unë kam akoma shumë për të dhënë”.

Theo u pyet edhe për Achraf që dikur ishin bashkëlojtarë.

“Ne jemi armiq në fushë, por shumë miq jashtë. Ai është një lojtar i shkëlqyeshëm, unë e njoh mirë atë dhe kemi karakteristika të ngjashme. Ne jemi anësorë shumë ofensivë”.

Francezi deklaroi që ende ka kontakte me Marcelon, përkundër faktit që ata nuk luajnë më së bashku.

“Më ka ndihmuar shumë. Të kisha këshillë dhe të luaja me një anësor si ai ishte një krenari për mua. Kohë pas kohe, ne ende i shkruajmë njëri-tjetrit në Instagram”.

Sipas Theos, Milani ende është në garë për titullin dhe do lufrojnë për të.

“Po, ne do të shkojmë gjithçka, ka mbetur edhe shumë. Interi na ka shpëtuar pak, por ne do të luftojmë deri në fund. Ata ende mund të humbin ose të barazojnë lojëra. Pastaj, padyshim, unë kam qëllimin të luaj Ligën e Kampionëve me këtë fanellë. Do të ishte gjithashtu shumë mirë sepse Milani nuk e ka bërë atë për një kohë të gjatë”.

Lidhur me një rikthim të mundshëm në Santiago Bernabeu lojtari tha: Nuk e di, nuk kam ide.