Tirana del pastër para duelit historik

Skuadra e Tiranës ka bërë të ditur përmes llogarisë së klubit në Facebook, se të gjithë lojtarët e saj dhe stafi janë testuar dhe kanë rezultuar negativ në COVID-19.

Tampon testimet e bardhekaltërve të kryeqytetit shqiptar janë bërë dje, ndërsa klubi ka marrë rezultatet sot. KF Tirana do të niset nesër në drejtim të Zvicrës ku do të takohet me kampionin e këtij vendi, Young Boys.

Fituesi i duelit Young Boys - Tirana do të sigurojë fazën grupore të Europa Ligë. Për Tiranën ky do të jetë sukses historik, pasi që asnjëherë më parë nuk e arritur.

Kurse, sa i përket të parëve, kalimin në fazën grupore të Europa Ligës deri tash e ka arritur vetëm Skënderbeu në sezonin 2015/16, kur luajtën ndaj Sporting Lisbonës, Besiktasit dhe Lokomotivës së Moskës në grup.

Kujtojmë, Tirana ishte pjesë e Ligës së Kampionëve. Në xhiron e parë kualifikuese kaloi Dinamon e Tbilisit duke i mposhtur si mysafir 0-2 [Torassa 45+3, Ismailgeci 86].

Më pas, në xhiron e dytë kualifikuese u mposhtën nga Crvena Zvezda 0-1 në Air Albania, për tu eliminuar nga Liga e Kampionëve dhe për të rënë në xhiron e tretë kualifikuese të Europa Ligës.

Aty shorti deshi që Tirana të kalojë pa lojë në PlayOff të Europa Ligës, ku do të ndeshet me kampionin zviceran, Young Boys.