TRANSFER
Tirana përforcohet me amerikanin e Teodos
21 September, 2016 @16:28
Skuadra debutuese nga Shqipëria në Ligën Ballkanike për sivjet, Tirana, ka realizuar përforcimin e parë me basketbollist të huaj.
Drejtuesit e klubit nga kryeqyteti shqiptar kanë arritur marrëveshje me amerikanin 203 centimetërsh, Manuel Johnson, i cili në stinorin e kaluar ka luajtur për skuadrën nga Mali i Zi, Teodo.
Johnson, me Teodo ka pasur mesatare prej 10.2 pikëve dhe 5.0 kërcimeve për ndeshje në kampionat, si dhe mesatarisht 12.3 pikë e 7.5 kërcime në ndeshjet e Ligës Ballkanike.
Skuadra e Tiranës në Ligën Ballkanike do të garojë në grupin B, ku janë edhe skuadra e Pejës dhe ajo e Trepçës.
