Trajneri i ri i arushave Joerger

Në stinorin e kaluar, arushat arritën të shkojnë në finale të Konferencës Perendimore. Në këtë sukses rol të rëndësishëm luajti trajneri Lionel Hollins, por kryesia e Memphisit, nuk vazhdoi kontratën me trajnerin Hollins.

Menaxheri i Grizzlies, Jason Levien, në lidhje me emërimin e trajnerit David Joerger tha: 

“Mendoj se Dave, do të vazhdoj që ta zhvillojë sistemin tonë për mbrojtje, pasi që kemi mbrojtjen më të mirë në NBA dhe besoj se skuadrën e dorëzuam, në një trajner që ka shumë aftësi për këtë ligë.”

David Joerger, në dy stinorët e fundit, ia përmirsoi dukshëm mbrojtjen e arushave. Grizzlies në tre stinorët e fundit, me 2105 topa të vjedhura, u dalluan nga skuadrat e tjera në NBA.

Memphis Grizzlies, sivjet u mposhtën në finale të Konferencës Perendimore, nga San Antonio Spurs, me rezultat 4-0.