Trajneri i Vikingur: Nesër lojë historike

Trajneri i Vikingurit, Erik Hantze, beson se nesër ndeshja kundër Trepçës ‘89 do të jetë historike.

Ai këtë gjë e tha në konferencën për shtyp, që u mbajt sot në Mitrovicë.

“Loja e nesërme është e rëndësisë shumë të veçantë për ne, ose edhe historike mund të them. Ne kemi një plan të cilin nuk do ta bëjmë publik dhe shpresojmë në rezultat pozitiv për ne,” tha Hantze, shkruan Kosova Press.

Ndeshja ndërmjet Trepçës ‘89 dhe Vikingurit luhet nesër nga ora 18:00 në stadiumin “Adem Jashari” në Mitrovicë.