DRILON HAJRIZI
BOROZANI/Lis Dorambari
Trofeu për tifozët
8 March, 2015 @22:26
Drilon Hajrizi, njeriu që nuk kishte fituar ende asnjë trofe me Pejën prej se u transferua aty nga Trepça është treguar të jetë tepër i lumtur pas fitores së Kupës së Kosovës sonte ndaj Sigal Prishtinës.
“Ndjehem definitivisht shumë mirë, ndërsa këtë trofe ia dedikoj tifozëve të ekipit, që nuk na lanë asnjëherë vetëm edhe kur ekipi kishte rënie. Në ndërkohë shpresoj të mobilizohemi edhe më shumë për të arritur historinë e vendit edhe në ligën ballkanike,” ka thënë Hajrizi për kamerat e RTK-së pas ndeshjes, duke bërë të ditur se Peja synon finalen e Balkan League.
Peja mposhti Prishtinën në finale të Kupës së Kosovës, të cilën e fitoi për herë të parë pas vitit 2011.
