MIDDLESROUGH - UNITED
United fiton, ngjitet mbi Arsenalin
19 March, 2017 @14:57
Përkundër disa mungesave të lojtarëve nga formacioni bazë, Manchester United shënoi një fitore të rëndësishme në udhëtim te Middlesbrough.
Skuadra e Jose Mourinhos zhvilloi një pjesë të parë shumë të mirë, të cilën e mbylli 0-1 falë golit të Marouane Fellainit me kokë. Sulmet e United vazhduan edhe më tutje, derisa goli i dytë erdhi nga Jesse Lingard, i cili shënoi një gol shumë të bukur nga distanca.
Vendasit u rikthyen në lojë falë një gabimi të Chris Smalling, mirëpo United nuk lejoi befasi dhe e gjeti edhe goli e tretë me Antonio Valencian, që e shfrytëzoi një gabim të Victor Valdesit në fundin e takimit dhe ndeshja u mbyll me rezultat 1-3.
Duhet përmendur që kjo ishte fitorja e 600 e Manchester Unitedit në Premier League, numër ky që nuk është arritur nga asnjë skuadër tjetër angleze.
Kjo fitore e ngrit Manchester Unitedin në vendin e pestë, me luftën për pozitat Champions që vazhdon ende.
