Kosova, e ardhmja

Njëri ndër basketbollistët më premtues në Turqi, Kenan Spahi, i cili luan për ekipin e Fenerbahçes ka dhënë një intervistë ekskluzive për Borozani.com. 

Pas pranimit të Kosovës në FIBA dhe përafrimit të basketbollistëve jashtë vendit për të pasur mundësi që të luajnë për Kosovën, Kenani ka dhënë vlerësimet e veta. 

-Mendimet e tua, për pranimin e Kosovës në FIBA ? 

Kenani: Është një vendim i vonuar, por është me rëndësi se jemi pranuar, Ballkani është një vend ku njerëzit jetojnë me sport, ku zhvillohen plotë sportistë, gjithashtu edhe Kosova është një vend i tillë, të jemi në arenën ndërkombëtare, do të thotë se mund t’i tregojmë aftësitë tona.

-Çka duhet të bëjë Federata tash e tutje, për zhvillimin e basketbollit kosovar?

Kenani: Në të vërtetë, tani fillon sfida. Duhet të punojnë më shumë dhe të jemi të suksesshëm, Kosova duhet të zbulojë talenta dhe të punojë për zhvillimin e tyre. Sikur unë dhe plotë lojtarë të tjerë, për qëllimet e tyre, duhen të dalin jashtë vendit, kjo është detyra kryesore e Federatës… Duhen të krijojnë kampe nëpër qytete të vogla, ta prezantojnë basketbollin, t’i dërgojnë nëpër kampe verore dhe të kujdesen për zhvillimin e tyre. Kosova duhet të ketë një trajner të mirë, të menaxhohet mirë sepse ka nevojë për këtë.

-Çka duhet të bëjnë të rinjtë?

Kenani: Asnjëherë nuk duhet të dorëzohen para ëndrrave të tyre, duhet të ëndrrojnë dhe të punojnë sa më shumë për t’i realizuar ato… Unë gjithmonë kam ëndrruar dhe ende i kam qëllimet e mia, kemi trajnerë shumë të mirë, duhet të punojnë me ta dhe t’i dëgjojmë sa më shumë.

-Yll Kaçaniku, Dardan Berisha edhe disa basketbollistë të tjerë, pranuan që të luajnë për Kosovën, nëse vjen ndonjë ftesë për ty a do të pranon të luash për Kosovën ?

Kenani: Me Erolld Belegun kemi një marrëdhenie shumë të mirë dhe jemi në kontakt, ata më ftuan në kombëtare dhe u ndjeva shumë i lumtur për këtë, të jem pjesë e këtij vendi për mua është shumë e rëndësishme, është një detyrë për mua që ta realizojë këtë në të ardhmen. Por për momentin, jam pjesë e një projekti afatgjatë të Turqisë, këtu duhet ta vërtetojë veten në mënyrën më të mirë, ngase ata më vlerësojnë dhe duhet ta përfundojë këtë detyrë.

-Ke ndonjë porosi për tifozët e ekipeve kosovare? 

Kenani: Deri më tani, ndeshjet i kemi luajtur në shtetin tonë, tani është koha që të luajmë në arenën ndërkomëtare, skuadra jonë do të na përfaqësojë në parket, derisa tifozët tonë jashtë parketit, kjo është shumë e rëndësishme. Të gjithë duhet të jemi Fair-Play.

—-

Pas një lëndimi që e kishte, Kenan Spahi, iu rikthye stërvitjeve dhe tash e tutje pritet të luaj më shumë për Fenerbahçen, pasi që ai është njëri ndër lojtarët e preferuar të trajnerit Zeljko Obradovic, që drejton gjigantin turk. 

Kenani është 19 vjeçar aktualisht derisa muajin tjetër hyn në të njëzetat. Ai është shpallë lojtari më i mirë, MVP, i Kampionatit Europian të të rinjve, ku përfaqësoi Turqinë. 

Video

Kenan Spahiu