LEGJENDA
Rekord karriere për fitore nga Harden
2 April, 2015 @11:09
Raketa e pandalshme e Houstonit, James Harden, ka vazhduar me formë të shkëlqyeshme këtë stinor edhe mbrëmë.
Basketbollisti 25 vjeçar i lindur në Los Angeles, ka arritur të shënojë rekord pikë të karrierës së tij, duke dhënë 51 të tilla ndaj Sacramento Kingsit në fitoren e ekipit të tij me rezultat 115-111.
Harden është duke shkuar drejt kapitullit të legjendave të ekipit të Houstonit, derisa është bërë lojtari i parë në histori të ekipit që ka arritur të shënojë mbi 50 pikë së paku dy herë gjatë stinorit, pas Hakeem Olajuwon dhe Moses Malone.
Ndeshja ku Harden shënoi 50 pikë
Sacramento përkundër se luajti shumë mirë, ndërsa ylli i tyre, DeMarcus Cousins regjistroi triple-double’in e dytë të karrierës, nuk e arriti fitoren.
Cousins luajti me 24 pikë, 21 kërcime dhe 10 asistime.
Pas kësaj fitoreje Houston Rockets ka bilanc 51-24, ndërsa Sacramento Kings mbetet pa Play-Off 26-48.
