FITORE
BOROZANI/Erdis Driza
Prishtina, para finales
1 April, 2015 @20:40
Prishtina ka vazhduar me serinë e fitoreve në Balkan League edhe sonte. Ndeshja që konsiderohej e vështirë ndaj Kozuvit, ka kaluar shumë më lehtë sesa që pritej për bardhekaltërit.
Prishtina ka arritur të shënojë fitore me epërsi të lartë në përballjen e parë gjysmëfinale të Balkan League, ashtu që të krijojë kapital të konsiderueshëm para ndeshjes së kthimit në Gjevgjeli.
Minuta e parë
Posa ia nisi ndeshja, me të përfunduar minuta e parë e ndeshjes Kozuvi kishte epërsi 5 pikëshe. Prej atij momenti, gjithçka në pjesë të parë kaloi në dorë të Prishtinës.
Dardan Berisha shënoi pikët e para për të vazhduar pandalshëm duke krijuar epërsi 10 pikëshe, derisa mysafirët nuk shënuan pikë për afro 7 minuta lojë.
Loja e mirë e Prishtinës dhe ruajtja e epërsisë mbi 10 pikëshe vazhdoi edhe në çerek të dytë të ndeshjes, ku Kozuv asnjëherë nuk arriti të ulë epërsinë e bardhekaltërve nën 11 pikë.
Shkatërrimi
Në çerekun e tretë Prishtina nisi shkatërrimin e mysafirëve nga Gjevgjelia. Edin Bavcic dhe Dardan Berisha çojnë publikun në këmbë me pikët e tyre derisa epërsia 15 pikëshe e pjesës, shkoi në 31 kah fundi i këtij çereku.
Fundi i ndeshjes gjeti bardhekaltërit me 24 pikë epërsi, kapital ky që vështirë do të mund ta shkrijë Kozuvi në ndeshjen e ardhshme.
Epërisa 24 pikëshe
Edin Bavcic ka qenë lojtar i ndeshjes te ekipi fitues, duke shënuar double-double prej 25 pikëve dhe 12 kërcimeve, derisa pas tij erdhi Dardan Berisha me 17 pikë, 9 kërcime e 6 asistime.
Te ekipi maqedon më i dalluari në humbje ka qenë organizatori Filip Sepa, me 11 pikë.
Ndeshja e kthimit zhvillohen një javë më vonë në Gjevgjeli.
Statistikat ekipore
| SIGAL PRISHTINA | KOZUV | ||
| Çereku i parë | 24 | 12 | |
| Çereku i dytë | 17 | 13 | |
| Çereku i tretë | 29 | 14 | |
| Çereku katërt | 15 | 22 | |
| Kërcime | 47 | 31 | |
| Asistime | 21 | 9 | |
| Bllokada | 5 | 1 | |
| Topa të vjedhur | 6 | 6 | |
| Topa të humbur | 16 | 12 | |
| Tentime për tre pikë | 9/26 | 6/28 | |
| Tentime nga loja | 33/69 | 21/62 | |
| Gjuajtje të lira | 10/17 | 13/17 |
Statistikat individuale te Sigal Prishtina
| 1 | Edin Bavcic | 25 pikë | 12 kërcime | 2 asistime |
| 2 | Dardan Berisha | 17 pikë | 9 kërcime | 6 asistime |
| 3 | Bojan Trajkovski | 10 pikë | 6 kërcime | 3 bllokada |
| 4 | Jordan Hulls | 8 pikë | 4 kërcime | 1 asistim |
| 5 | Demontez Stitt | 7 pikë | 4 kërcime | 5 asistime |
| 6 | Edmond Azemi | 7 pikë | 1 kërcim | 1 asistim |
| 7 | Blerim Mazreku | 5 pikë | 1 kërcim | - |
| 8 | Julian Mavunga | 3 pikë | 8 kërcime | 5 asistime |
| 9 | Julius Coles | 3 pikë | - | - |
Statistikat individuale te Kozuvi
| 1 | Filip Sepa | 11 pikë | 2 kërcime | 4 asistime |
| 2 | Aleksej Nesovic | 11 pikë | 1 kërcim | 1 asistim |
| 3 | Eftim Bogojev | 9 pikë | 1 kërcim | 1 asistim |
| 4 | Vladimir Ivelja | 7 pikë | 6 kërcime | - |
| 5 | Zlatko Gocevski | 5 pikë | 7 kërcime | 2 asistime |
| 6 | Drasko Albijanic | 5 pikë | 3 kërcime | - |
| 7 | Goran Glavchev | 5 pikë | - | - |
| 8 | Vladimir Brchkov | 3 pikë | 3 kërcime | - |
| 9 | Slobodan Bozovic | 3 pikë | 2 kërcime | - |
| 10 | Milan Janjusevic | 2 pikë | 2 kërcime | - |
