KAMPIONI
REUTERS/Arkiv
San Antonio siguron Play-Offin
2 April, 2015 @10:57
Fundi i stinorit të rregullt të NBA-së po e gjen San Antonio Spursin në fomrë të mirë, pasi që djelmoshat kampionë, po luajnë shumë mirë tani.
Aron Baynes me 18 dhe Manu Ginobili me 13 pikë i ndihmuan ekipit kampion të sigurojë Play-Offin me fitore 103-91 ndaj Orlando Magicut.
San Antonio po vazhdon me formë të mirë në fund të stinorit, duke shënuar fitoren e pestë me radhë, derisa që nga 27 shkurti kanë bilanc 15 fitore e 3 humbje.
Kampioni aktual i NBA-së ishte në disavantazh por në saje të trepikëshave arritën ta kthejnë epërsinë. Spurs shënoi fitoren e tetë me radhë ndaj magjistarëve.
Victor Oladipo ishte koshashënuesi më i mirë i Orlandos me 24 pikë, i përcjellur nga Nik Vucevic me 16 pikë e 11 kërcime të regjistruara.
Akutalisht, Orlando ka shënuar humbjen e katërt me radhë, ndërsa ka 10 humbje në 11 ndeshjet e fundit.
Me fitoren ndaj Orlandos, mamuzat e San Antonios kanë bilanc 49-26, ndërsa Orlando është eliminuar nga Play-Offi me bilanc aktual 22-53.
