ALBAN VESELI, KB PEJA
Foto: KB Peja/ Korniza
Veseli: Ishim më të motivuar
30 November, 2016 @11:08
Njëri ndër basketbollistët më të mirë të Pejës, Alban Veseli, në deklaratën e tij pas ndeshjes ndaj Karposit mbrëmë ka thënë se ekipi i tij ka qenë më i motivuar sesa rivali.
“Karpos është ekip shumë i mirë, por ne ishim më të motivuar për ndeshje. Pas çerekut të parë të fortë, ne kishim epërsi 12 pikëshe dhe pas kësaj kontrolluam lehtësisht lojën. Ka qenë fitore me rëndësi para duelit të radhës ndaj Tiranës,” ka thënë Veseli, transmeton faqja zyrtare e BIBL sot.
Veseli ka përfunduar ndeshjen me 15 pikë e 7 kërcime, ndërsa Peja nga 2 ndeshje ka 2 fitore në Grupin B të BIBL.
