SAN ANTONIO
REUTERS/Mike Stone
Vetëm edhe një fitore
26 May, 2013 @10:42
Skuadra e trajnerit Gregg Popovich, është larg vetëm një fitore drejt finales së madhe të NBA-së. San Antonio, arriti ta mposht Memphisin në vazhdime, me rezultat 104-93.
Tani, puna për arushat, është vështërsuar shumë, ngase deri më tani, asnjë skuadër në NBA, nuk ka arritur të rikthehet prej disavantazhit 3-0.
Rol të rëndësishëm në fitoren e tretë të San Antonio-së, luajti treshja Duncan, Parker dhe Ginobili, të cilët së bashku shënuan 69 pikë. Dirigjenti Tony Parker, u dallua me 26 pikë e 5 asistime, Tim Duncan bëri double-double me 24 pikë e 10 kërcime, ndërsa Manu Ginobili 19 pikë e 7 kërcime.
Në anën tjetër, nuk mjaftoi mundi i Mike Conley, i cili luajti me 20 pikë.
Ndeshja e radhës do të luhet me 27 maj, përsëri në FedExForum të Memphisit. Arushat do të mundohen tash e tutje të bëjnë mrekulli, për të shkuar në finalen e madhe të NBA-së.
Video
Përmbledhja e ndeshjes San Antonio - Memphis
REZULTATI:
| Memphis Grizzlies - San Antonio Spurs | 93-104 OT | 0-3 në seri |
