Warriors afër titullit

Edhe përkundër faktit që Clevelandi e mbylli pjesën e parë me 5 pikë epërsi dhe në momente të caktuara të çerekut të tretë arriti ta ngrisë në 8 pikë epërsinë, shpërthimi i ‘Splash Brothers’ me gjuajtje jashtë vijës 7.25 bëri që Warriors ta fitojnë ndeshjen e katërt të serisë dhe ta ngrisin epërsinë e ndeshjeve në 3-1, duke u afruar tashmë edhe më pranë titullit.

Përveç fitores, Golden State arriti edhe dy rekorde sonte. Warriors shënuan 17 treshe, shifër e cila nuk është arritur nga ndonjë skuadër në ndeshjet e playoffit. Rekordi mbahej nga San Antonio Spurs, të cilit kishin shënuar 15 treshe. Ky në fakt ishte edhe çelësi i fitores për Warriors sonte. Po ashtu, fitorja e shënuar sonte ishte fitorja e 88 e Warriors këtë sezon, përfshirë këtu edhe sezonin e rregullt, edhe playoff-in. Këtë shifër nuk e ka arritur asnjë skuadër deri më sot.

Më të dalluarit tek vendasit ishin Kyrie Irving me 34 pikë dhe LeBron James me 25 pikë, 13 kërcime e 9 asistime. Paraqitje të mirë, sidomos në pjesën e parë, pati edhe Tristan Thompson me 10 pikë e 7 kërcime.

Për fituesit u dalluan Steph Curry me 38 pikë dhe Klay Thompson me 25.

Ndeshja e pestë e serisë zhvillohet në shtëpinë e Warriors dhe aty mund të përmbyllet gjithçka, pasi që vetëm 1 fitore e ndan GSW-në nga titulli i dytë me radhë.

SKEMA PLAYOFFS