WARRIORS vs ROCKETS
Warriors humb pas dy vazhdimeve
2 December, 2016 @9:15
Për ta përcaktuar fituesin në duelin Golden State Warriors - Houston Rockets, janë nevojitur të përdoren edhe vazhdimet.
Pas dy vazhdimeve, në këtë përballje fitues doli Houston Rockets, i cili ia përfundoi serinë prej 12 fitoreve rresht Warriorsave, duke i mposhtur me rezultat 132-127.
Lojtari më i mirë te Houston ishte padyshim James Harden, që luajti me shifrat magjike triple double (29 pikë, 15 kërcime e 13 asistime).
Kurse në anën tjetër, u dallua Kevin Durant me 39 pikë e 13 kërcime, por nuk mjaftuan për ta vazhduar serinë e fitoreve.
Kjo ishte humbja e tretë e stinorit për Golden State Warriors krahas 16 fitoreve, ndërsa “raketa” e regjistroi fitoren e 12 pas 19 ndeshjeve të zhvilluara.
