FSHF
10% më pak për De Biasin!!!
19 October, 2013 @23:34
Deklaratat e përzgjedhësit të kombëtares shqiptare, Gianni De Biasi, menjëherë pas ndeshjes së fundit kualifikuese me Qipron për vazhdim të kontratës me Shqipërinë ende nuk janë konfirmuar nga Federata Shqiptare e Futbollit.
Kjo ka bërë që mediat tiranase të spekulojnë për një ofertë të re nga FSHF-ja dhe kjo pasi që në katër ndeshjet e fundit prej 12 pikëve të mundshme, kombëtarja ka marrë vetëm një - atë ndaj Qipros.
E pas këtyre rezultateve De Biasi e ka pasur të qartë se 30% rritje e kërkuar nga ai është tepër dhe ka pranuar 10% rritje të ofruara më parë nga FSHF-ja.
Mirëpo sipas të përditshmes Sport Ekspres, FSHF-ja do të nxjerrë një ofertë me 10% më pak se ajo aktuale e De Biasit ose në rastin më të mirë, të njejtën si që e ka tash. “Të gjitha këto janë rebuse të pazbuluara dhe pritet të qartësohen në ditët e ardhshme,” ka shkruar në fund Sport Ekspres.
FAKTE:
| Kontrata e Gianni De Biasit me Shqipërinë përfundon më 30 tetor të këtij viti. | |||
| Gianni De Biasi merr 22 mijë euro neto në muaj si rrogë nga FSHF-ja, ose 484 mijë euro në një edicion kualifikimesh. |
