2 gola e 1 asist për Messin në fitore

Barcelona e zhytur në borxhe me kryetarin e ri që po kërkon jetësimin e Superligës Evropiane në një kohë më të përshtatshme, ka shënuar fitore ndaj Getafes rezistente sonte dhe katalonasit janë rehatuar vetëm në 5-minutëshin e fundit të ndeshjes kur ngritën epërsinë dhe në fund fituan 5-2 [ L. Messi 8’, 33’, S. Chakla 28’ (A.G.),  R. Araújo 87’, A. Griezmann 90’ (P.) - C. Lenglet 12’ (A.G.),  E. Ünal 69’ (P.)].

Superylli argjentinas i ekipit Lionel Messi përsëri ka shkëlqyer duke shënuar dy herë dhe duke regjistruar një asistim në fitore, derisa Barcelona mbetet në garë për titull kampioni me 5 pikë larg liderit Atletico Madrid dhe 2 pikë larg pozitës së dytë, Real Madrid.

Getafe ende nuk ka siguruar mbijetesën dhe ka luftuar shumë sonte për të befasuar vendasit, por goli i mbrojtësit Ronaldo Araujo 3-minuta para fundit të kohës së rregullt të ndeshjes, shkëputi edhe shpresat më të mëdha të mysafirëve.

Kështu, pas humbjes nga Real Madridi në El Clasico, Barcelona i kthehet fitores në La Liga, ndërsa tash e pret seria e ndeshjeve rend, ku më 25 prill shkojnë te Villarreal, më 29 presin Granadan, ndërsa më 2 maj udhëtojnë te Valencia.