KAMPIONI
Panorama Sport
200’000 € premi për Skënderbeun!
29 July, 2013 @15:01
Skuadra e Skënderbeut të Korçës ka arritur në Astana të Kazakistan sot. Mirëpo, të kuqtë korçarë kanë humbur durimin në aeroport, ku i është thënë se do të paisen me viza me të ateruar, gjë e cila nuk ka ndodhur për orë të tëra pritjeje në aeroport.
Kjo ka shkaktuar që futbollistët të humbin durimin dhe të shprehin zhgënjimin e tyre me mikpritjen kazake, para ndeshjes së raundit të tretë të Ligës së Kampionëve me Shakhter Karagandyn.
Së fundi ata janë akomoduar dhe kanë mësuar planin stërvitor në Astana Arena, ku edhe do të zhvillojnë ndeshjen ndaj kampionit kazak që eliminoi BATE Borisovin.
Ndërsa, kryetari i klubit kampion të Shqipërisë, Agim Zeqo, u ka premtuar futbollistëve që në rast të kalimit të kësaj faze të Ligës së Kampionëve, do të shpërblehen me mbi 200 mijë euro!
Skënderbeu eliminoi në raundin e dytë kualifikues kampionin e Azerbejxhanit, shumëfish më të fortë në letër, Neftçi Baku.
CHAMPIONS LEAGUE, Kualifikimet:
| Nesër 15:00, Astana Arena, Astana | Shakhter Karagandy-Skënderbeu | Gjyqtar kryesor: Alexey Nikolaev (RUS) |
KUOTAT E WILLIAM HILL:
| 1 | Shakhter fiton - 1.44 | Barazim - 4.20 | Skënderbeu fiton - 7.50 |
