KUALIFIKIMET PËR BOTËROR
BOROZANI/ Lis Dorambari
400 bileta për kosovarët në ndeshjen Finlandë-Kosovë
30 June, 2016 @21:32
Federata e Futbollit e Finlandës javë më parë kishte filluar shitjen e biletave për ndeshjen e parë të kualifikimeve për Kampionatit Botëror ndërmjet Finlandës dhe Kosovës.
Tani kjo federatë ka filluar edhe shitjen e biletave për tifozët kosovarë, ndërsa për ta janë rezervuar vetëm 400 ulëse.
Biletat për tifozët kosovarë do të kushtojë 30 euro, ndërsa do të ketë edhe një numër të biletave në sektorin e kategorisë së parë që kushtojnë 50 euro.
Ndeshja ndërmjet Finlandës dhe Kosovës do të luhet më 5 shtator në qytetin Turku të Finlandës.
