Ademi s’luan ndaj Skënderbeut

Kapiteni i Dinamo Zagrebit, Arijan Ademi, nuk do të mund t’i ndihmojë shokëve të skuadrës në ndeshje ndaj Skënderbeut sonte në përballjen e parë të Play-Offit të Ligë së Kampionëve, bëjnë të ditur mediat kroate. 

Ademi është lënduar në stërvitjet e fundit me ekipin e tij dhe është larguar nga fusha për shkak se është dashur të intervenohet më seriozisht te ai. 

Ademi është njëri ndër mesfushorët më të rëndësishëm të skuadrës zagrebase që do të jetë mysafire sonte në Elbasan Arena ndaj Skënderbeut. 

Skënderbeu pret Dinamon në 20:45 në kuadër të Play-Offit të Champions League.