PLAYOUT LIGA E PARË: MEGASPORT - VUSHTRRIA
Afër sigurimit të Ligës së Parë
25 April, 2019 @23:51
Sonte u zhvillua edhe dueli i parë i PlayOutit për Ligë të Parë të Kosovës, ku në Prizren u takuan Megasport me Vushtrrinë.
Mysafirët duke shfrytëzuar përvojën dhe mungesën e disa lojtarëve vendas kanë arritur fitore komode 77-63 dhe tash në ndeshjen e kthimit që luhet në Jeton Tërstena të Vushtrrisë, pritet të konfirmojnë edicionin e ardhshëm në Ligë të Parë.
Në pjesë të parë vendasit kishin epërsi 34-31, por në pjesë të dytë vushtrriasit kanë arritur të kthejnë gjithçka në favor të tyre.
Megasport ka humbur duelin final të Ligës së Dytë ndaj Newbasket, duke humbur mundësinë direkte të plasimit në Ligë të Parë dhe tash është duke e kërkuar atë përmes PlayOutit. Ndërsa Vushtrria përfundoi e parafundit në renditjen tabelare të Ligës së Parë dhe kërkon shpëtimin e stinorit.
