Ajeti i kthehet stërvitjeve

Qendërmbrojtësi kuqezi, Arlind Ajeti, dalngadalë po rikthehet nga lëndimi, që tashmë e ka lënë atë një muaj larg fushave të blerta.

22 vjeçari sot ka qenë për herë të parë në stërvitje me ekipin e tij, Torino, ndërsa aktiviteti i tij i vetëm gjatë seancës stërvitore, ishte vrapimi i lehtë.

Ajeti nuk kishte luajtur për Shqipërinë në ndeshjen e 5 shtatorit kundër IRJ Maqedonisë për shkak të lëndimit, ndërsa varësisht nga forma e tij dhe gjendja shëndetësore, mund të llogaritet nga përzgjedhësi Gianni De Biasi për dy ndeshjet e radhës që do të luhen në muajin tetor.