FAIR-PLAY TABELA
Besa, lidere e fair-play tabelës
22 September, 2016 @14:41
Ekipi i Pejës, i drejtuar nga Gani Sejdiu, KF Besa, është lidere aktuale e tabelës së Superligës në kuadër të Fair Playit, ka bërë të ditur FFK-ja sot.
Në llogaritjen e pesë xhirove të para të stinorit, të skuadrave të Superligës, Besa është duke udhëhequr në klasifikim me 38.29 pikë si mesatare, para Ferizajit dhe Gjilanit.
Liderja aktuale e tabelës në futboll, Prishtina, është e parafundit në tabelën e Fair Playit, ndërsa Hajvalia e fundit.
Si bëhet llogaritja:
| Numrohen kartonat e verdhë dhe të kuq të ekipit, që kanë notat e caktuara negative. Loja sulmuese, e shpejtë, qarkullimi i topit. Respekti ndaj rivalit, kthimi i topave shpejt në fushë, mosvonimi i ndeshjes pa arsye. Respekti dhe sjelljet ndaj referëve. Sjellja e zyrtarëve të ndeshjes, sjellja e tifozëve, etj. Të gjitha këto vlerësohen nga Federata me nota përkatëse prej 1-5 për ndeshje dhe 1-10 për ndeshje për të përcaktuar vlerën e përgjithshme që krijon tabelën sipas ndeshjeve. |
